Mańǵystaýlyq jas dzıýdoshylar Eýropa kýbogynda júldeger boldy

AQTAÝ. QazAqparat - Mańǵystaýlyq sportshylar dzıýdodan jasóspirimder arasynda ótken Eýropa kýbogynyń júldegeri atandy. Bul týraly Mańǵystaý oblystyq sport basqarmasynyń baspasóz qyzmetinen málim etti, dep habarlaıdy QazAqparat tilshisi.

Grýzııanyń Gorı qalasynda dzıýdodan Eýropa kýbogy ótti. Jasóspirimder arasyndaǵy Eýropa kýbogyna barlyǵy 16 elden 300-den astam sportshy qatysqan.

«Qazaqstan jasóspirimder qurama komandasynda óner kórsetken mańǵystaýlyq eki sportshy júldeli oryndarǵa ıe boldy. Atap aıtqanda Gúldana Teńelbaeva +70 salmaqta dárejesinde baq synap kúmis júldeger atandy. Gúldana 1 jáne 2 kezdesýinde grýzın sportshylaryn jeńip, al 3 kezdesýinde qazaqstandyq sportshyny jeńip, fınalǵa shyqty. Aqtyq kezdesýinde qyrǵyz sportshysyna ese jiberdi» delingen baspasóz málimetinde.

Sondaı-aq, 60 kelide beldesken Qanat Nurgeldi Evropa kýbogynyń qola júldegeri atandy.

Qanattyń jeke bapkeri Nurlybaı Serǵazıevtiń aıtýynsha, sportshy 1 kezdesýde armıandyq sportshyny jeńip, 2 kezdesý Grýzııa eliniń sportshysyna ese jiberdi.

Odan qanaǵattandyrý beldesýlerinde ızraıldyq jáne grýzındik sportshylardy jeńdi.

Al, 3-orynǵa beldeskende Grekııa eliniń sportshysyn utyp, qola júldeger atanǵan.

Atalǵan jarys 29-30 sáýir aralyǵynda ótti.