Mańǵystaýlyq jas dáriger: Jalaqynyń 30%-ǵa ósýi úlken kómek boldy

QARAQIıA. QazAqparat - Medıtsına qyzmetkerleri jalaqysynyń 30%-ǵa ósýi aýyl mamandary úshin úlken kómek boldy. Qaraqııa aýdandyq ortalyq aýrýxanasynyń dárigeri Aqerke Aqylbaeva osyndaı pikir bildirdi, dep habarlaıdy QazAqparat tilshisi.

Jas dáriger «Dıplommen aýylǵa» baǵdarlamasy arqyly Mańǵystaý oblysy, Qaraqııa aýdany, Quryq eldi mekenine oqý bitirgen soń kelgen. 2017 jyldan beri Qaraqııa aýdandyq aýrýxanasynda eńbek etedi.

«Birrettik kóterme járdemaqy aldym, úı alýǵa paıyzsyz nesıe berdi. Sondyqtan aýyldyq jerge qyzmet etýge kelgenime ókinbeımin. Maýsym aıynan bastap aılyǵymyz 30% ǵa kóterildi, biraz jaqsy bolyp qaldy. Bul bizder úshin úlken kómek boldy»,-deıdi Aqerke.

Jalpy, óńirdegi aq halatty abzal jandardyń eńbeqasy úshin bıýdjetten 1 mlrd 880 mln teńge bólingen. Maýsym aıynyń jalaqysyna onyń 228 mıllıony jumsalǵan.

Búginde oblysta 1600 dáriger, 400 myńǵa tarta meıirbıke qyzmet etedi.