Mańǵystaýlyq volonterler bir jyldaǵy jumystaryn qorytyndylady

AQTAÝ. QazAqparat – Mańǵystaý oblysyndaǵy «Volonterlar korpýsy» toby bir jylda atqarǵan jumystaryn qorytyndylady. Topqa múshe 300-ge jýyq jas qaıyrymdylyqpen aınalysyp, qoǵamdyq sharalardyń basy-qasynda júrgen, dep habarlaıdy QazAqparat tilshisi.

Jastar bıyl «Júregi toly meıirim» jobasy aıasynda 180 otbasyǵa áleýmettik, jalǵyzbasty 123 janǵa ataýly kómek kórsetken. Sonymen qatar «Volonterlar korpýsy» 38 oblystyq, 11 respýblıkalyq jáne 7 halyqaralyq deńgeıdegi sharada qyzmet etken.

Jastar 2017-2019 jyldar aralyǵynda Shyǵys Qazaqstan oblysynyń Aıagóz aýdanynda tolassyz jaýyn-shashynnan bolǵan tasqynnan zardap shekkenderge 400 keli, Túrkistan oblysynyń Arys qalasynda tótenshe jaǵdaı saldarynan zardap shekkenderge 4 tonna gýmanıtarlyq júk jınap, jóneltken. Dál osy korpýs Birikken Ulttar Uıymy Damý baǵdarlamasy men el Prezıdenti Qasym-Jomart Toqaevtyń alǵysyna ıe boldy.

Sonymen qatar shara barysynda óńirimizde tuńǵysh ret taǵaıyndalǵan «Volonterlar korpýsynyń» syılyǵy tabys etildi. Bul – jastar tobymen jobalardy júzege asyryp, qoǵamdyq qyzmette aıtarlyq jetistikke jetken volonterlardy yntalandyrý maqsatynda taǵaıyndalǵan marapat. Bıyl syılyq pılottyq nusqada «Volonterlar korpýsy» músheleri arasynda «Úzdik volonter», «Kóshbasshy volonter», «Meıirimdi volonter» jáne «Úzdik koordınator volonter» atalymy boıynsha taǵaıyndaldy.