Mańǵystaýlyq volonterler betperde tigýdi qolǵa aldy

MAŃǴYSTAÝ. QazAqparat - Mańǵystaýlyq eriktiler betperde tigip, turǵyndarǵa tegin taratyp jatyr, dep habarlaıdy QazAqparat «Qazaqstan» RTRK «MAŃǴYSTAÝ» telearnasyna silteme jasap.

Ol úshin belsendi jastar óz qarajatyna materıal alyp, úılerinen tigin mashınasyn ákelgen.

Igi iske Qaraqııa men Beıneý aýdandarynyń belsendileri kiristi. Olar bir kúnde 2 myńnan astam betperde tikken.

Al aqtaýlyq eriktiler 200-den astam ónim shyǵaryp, aıaldamalardaǵy turǵyndarǵa úlestirgen. Olar áli de 300-ge jýyq betperde tigýdi josparlap otyr.

«Dárihanalarda medıtsınalyq betperdeniń jetispeýine baılanysty, osy sharany qolǵa alǵan edik. Bul maskalar 8 qabattan turady, sondyqtan vırýsty ótkizbeıdi dep oılaımyz. Deı turǵanymen, turǵyndarǵa aıtarymyz, bul maskalardy úsh saǵattan artyq qoldanbaýlaryńyz kerek», - dedi Aqtaý qalasy ákimdigi Qoǵamdyq damý ortalyǵynyń mamany Nurbek Shúkirbaev.