Mańǵystaýlyq velosportshy halyqaralyq «Silk Road Namangan» jarysynyń kúmis júldegeri atandy
AQTAÝ.QazAqparat - Mańǵystaýlyq velosportshy Dmıtrıı Noskov halyqaralyq «Silk Road Namangan» jarysynyń kúmis júldegeri atandy. Bul týraly Mańǵystaý oblystyq sport basqarmasynyń baspasóz qyzmetinen málim etti, dep habarlaıdy QazAqparat tilshisi.
24-26 naýryz aralyǵynda Namangan qalasynda (Ózbekstan memleketi) velosporttan erler men áıelder arasynda «Silk Road Namangan» halyqaralyq týrnıri ótti. Barlyǵy 60 sheteldik sportshy jáne 60 Ózbekstan Respýblıkasynyń sportshylary qatysty.
«Jarystyń 3-kúni mańǵystaýlyq Dmıtrıı Noskov «Vybyvanıe» baǵdarlamasy boıynsha 2-oryn ıelendi. Osy baǵdarlamada 1, 3 oryndy reseılik Kırıll Malıkov pen Aleksandr Ivanov ıelendi. Sondaı-aq, Dmıtrıı Noskov «Komandnaıa gonka presledovanııa» baǵdarlamasynda 3-oryn ıelendi» delingen baspasóz málimetinde.
Aıta ketý kerek, týrnır Parıjdegi «AI-2024-ke» qatysý úshin halyqaralyq reıtıngtik upaılardy jeńip alýǵa múmkindik beredi.
