Mańǵystaýlyq turǵynnan Qyzyl kitapqa engen qus tárkilendi

AQTAÝ. QazAqparat - Mańǵystaý oblysy Túpqaraǵan aýdanynyń turǵynynan memleket qorǵaýyndaǵy sırek kezdesetin qus tárkilendi, dep habarlady QazAqparat tilshisi.

«Onyń Qyzyl kitapqa engen búrkitke uqsas jyrtqysh ekendigi anyqtaldy. Atalǵan derek QR Qylmystyq kodeksiniń 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha tirkeldi», - dedi Mańǵystaý oblystyq Polıtsııa departamentinen.

Tergeý amaldary bastalǵan.

Mańǵystaý oblysy Polıtsııa departamenti turǵyndardy tabıǵatty qorǵaý zańnamasyn buzbaýǵa shaqyrady.