Mańǵystaýlyq túlekter bitirý keshine jınalǵan qarajatty qaıyrymdylyqqa jumsady
ASTANA. QazAqparat - Mańǵystaýlyq mektep bitirýshiler aýyr naýqasqa shaldyqqan Ámınaǵa kómek berdi.
Túpqaraǵan aýdany Aqshuqyr aýylyndaǵy mektep-lıtseıdiń 45 túlegi Oraza aıynda mektep bitirý keshinen bas tartyp, ózderi jınaǵan 400 myń teńge qarajatty aýyr naýqasqa shaldyqqan 11 jasar Ámına Táýirbaevaǵa emdelý úshin tapsyrdy. Bul týraly «QazAqparat» «Mańǵystaý-medıa» agenttigine silteme jasap habarlaıdy.
«2015 jyly boıynda qaýipti dert bar ekendigi anyqtalǵan Ámına ýaqyt ótkizbeı emdelgenmen, sońǵy kezderi onyń kórý qabileti kúrt nasharlap ketken. Úıinen bilim alatyn qyzdy týystary men ata-analary qyrkúıekke deıin Reseıge aparyp, dárigerlerge qaratyp kelýge bel býyp otyr. Ámınanyń ájesi Márııash qaıyrymdy jastarǵa rızashylyǵyn bildirip, úlken ómirge basqan qadamdaryna sáttilik tiledi», - dep jazady 7292info.kz
Al túlekter Ramazan aıynda mektepti saýapty ispen aıaqtaǵysy keletindikterin, mektep bitirý keshi bolmaǵanmen, dostarymen birge áli talaı keshterdiń ótetindigine senimdi.
