Mańǵystaýlyq tiginshiniń ulttyq naqyshtaǵy kıimderi shetelde de suranysqa ıe

AQTAÝ. QazAqparat – Qazaq mádenıetinde tiginshi óneri qashan da suranysqa ıe. Qazaqtyń dástúrli bul óneri birte-birte ózektiligin joımaıtyn kásipke aınaldy. Buǵan Beıneý aýylynyń turǵyny Janar Meńdiqulovanyń óz tsehyn ashyp, aýdan, oblys kólemindegi tapsyrystardy oıdaǵydaı oryndap júrgenin mysal etýge bolady, dep habarlaıdy QazAqparat.

Bul kásipke degen qyzyǵýshylyq Janar Meńdiqulovanyń mamandyǵyn dene shynyqtyrý muǵaliminen tiginshige aýystyrýǵa ıtermeledi. Áıel tiginshilik onyń súıikti isi ekenin, al adam óziniń súıikti isimen aınalysqanda ǵana jetistikke jetetinin aıtyp otyr.

«Shaǵyn sheberhanamyzda Mańǵystaýda jıi kezdesetin ulttyq kıim úlgilerin shyǵaryp, tigemiz. Erler de, áıelder de kıetin túıe júnimen qaptalǵan bas kıimder nemese plaştar erekshe suranysqa ıe. Elimizde tigilgen qazaqtyń ulttyq kıimderi shetelge shyǵady. Tipti, muhıttyń arǵy jaǵy – Nıý-Iorkten arnaıy tapsyrystar bar. Biz úshin bul – úlken jetistik. Ulttyq mádenıetimizdiń dúnıe júzine taralýyna atsalysyp júrgenime qýanyshtymyn», – deıdi Jannar Meńdiqulova.