Mańǵystaýlyq taekvondoshy halyqaralyq týrnırdiń jeńimpazy atandy

AQTAÝ.QazAqparat - Mańǵystaýlyq taekvondoshy Eldar Birimbaı Slovenııanyń Lıýblıana qalasynda ótken halyqaralyq «Slovenia Open» reıtıngtik týrnıriniń jeńimpazy atandy, dep habarlaıdy QazAqparat tilshisi.

Qazaqstan quramasy taekvondodan halyqaralyq týrnırde 1-oryn aldy. Atap aıtqanda, qazaqstandyq taekvondoshylar reıtıngtik týrnırde 5 altyn, 7 kúmis, 13 qola medal ıelendi. Qazaqstan qorjynyna 68 kelide mańǵystaýlyq Eldar Birimbaı altyn júlde saldy.

«Bul jarys - álem chempıonatyna irikteýdiń birinshi kezeńi. Bizdiń maqsatymyz - Azııa, Álem, Olımpıada shyńyna shyǵý» - dedi Mańǵystaý oblystyq taekvondo federatsııasynyń eresekter arasyndaǵy aǵa jattyqtyrýshysy Qýanǵalı Dastanuly.

25-26 aqpan kúni ótken G-1 sanatyndaǵy dodaǵa álemniń 50 elinen 1000-ǵa jýyq sportshy qatysty.