Mańǵystaýlyq sýretshi Aıtbaı Qulbaıdyń jeke kórmesi ashyldy
Y. Qańtardyń 15-i. QazAqparat /Názıra Eleýhan/ - Almatyda Á. Qasteev atyndaǵy óner murajaıynda mańǵystaýlyq sýretshi Aıtbaı Qulbaıdyń «Mańǵystaý boıaýy» atty tuńǵysh jeke kórmesiniń ashylý rásimi bolyp ótti,
dep habarlaıdy QazAqparat.
Kórmege sýretshiniń 70-ten astam grafıkalyq jáne keskindemelik týyndylary qoıylǵan.
«Aıtbaı Qulbaı - belsendi ómirlik pozıtsııasy bar sýretshi-ekstravert. Onyń jigerli óneri Qazaqstan beıneleý óneriniń úzdik úrdisteriniń laıyqty jalǵasy ispettes. Ulttyq dástúrlerge degen ystyq yqylas, zamanaýılyqqa degen úlken qyzyǵýshylyq sýretshiniń shyǵarmashylyq izdenisterinde kórinis tapqan. Sýretshiniń tús pen yrǵaqty tamasha sezinýi, onyń únemi álemdik keskindemelik mádenıetke nazar aýdarýy, jeke basyna ǵana emes, qoǵamdyq qyzyǵýshylyqty oıatatyn týyndylardy dúnıege ákelýine múmkindik beredi», dedi ónertanýshy Elızaveta Kım.
Kórme ıesi Aıtbaı Qulbaıdyń aıtýynsha, Á. Qasteev atyndaǵy óner murajaıynda alǵash ret jeke kórmemdi ashýym, men úshin úlken qýanysh. «Kórme ashýdy baıaǵydan oılaǵan edim, biraq ishteı daıyn bolmadym. Osy ýaqytqa deıin 1000-nan asa sýretter saldym. Búgin Almatyǵa 70-teı týyndylarymdy ǵana alyp keldim», dedi sýretshi Aıtbaı Qulbaı.
Kórme aqpan aıynyń 8-ne deıin jalǵasady.
