Mańǵystaýlyq sportshylar gir tasyn kóterýden álemdik dodada altyn aldy

AQTAÝ.QazAqparat - Úndistannyń Delı kalasynda ótken gir tasyn kóterýden álem chempıonatynda mańǵystaýlyq sportshylar jeńimpaz atandy, dep habarlaıdy QazAqparat tilshisi.

Álemdik dodaǵa 17 memleketten 300-ge jýyq sportshy qatysqan. Álem chempıonatyna Mańǵystaý oblysynan 3 sportshy qatysyp, úsheýi de top jardy.

Atap aıtqanda, Baqytjan Sovethanov uzyn tsıklden 95 keli salmaq dárejesinde, Nartaı Altybaev serpe kóterýden 78 keli salmaq dárejesinde, Aıdyn Ahmetov julqa kóterýden ardagerler arasynda 85 keli salmaq dárejesinde altynnan alqa taqty.

Álem chempıony atanǵan komanda jetekshisi Nartaı Altybaevtyń aıtýynsha, gir kóterýden uzyn tsıkl boıynsha qola júldeni reseılik sportshy (86 ret), kúmis júldeni Polsha eliniń sportshysy (88 ret), al altyndy mańǵystaýlyq Baqytjan alǵan (91 ret). Al serpe kóterýden qola júldeni taıvandyq (124 ret), kúmis júldeni avstralııalyq (133ret), altyn júldeni mańǵystaýlyq sportshy (215 ret) ıelengen.

«Julqa kóterýden ardagerler arasynda 115 ret kóterip birinshi orynǵa ıe boldym. Al ekinshi, úshinshi orynǵa Ózbekstan jáne Taıvan eliniń sportshylary jaıǵasty», - dedi álem chempıony Aıdyn Ahmetov.

Foto: inbusiness.kz