Mańǵystaýlyq sportshylar Estonııada Eýropa chempıonatynda bes medal ıelendi
ASTANA. QazAqparat - Estonııanyń Kohtla-ıArve qalasynda balalar, jasóspirimder, erler men áıelder arasynda kekýshınkaı karateden Eýropa chempıonaty ótti. Oǵan 22 elden 200-den astam sportshy qatysty. Qazaqstannyń namysyn Aqtaý jáne Jańaózen qalalaryndaǵy kekýshınkaı karate-do mektepteriniń 10 tárbıelenýshisi qorǵady. Quramanyń quramynda sondaı-aq almatylyq sportshy da boldy, dep jazady sports.kz.
Eki kúnge jalǵasqan jarystardyń qorytyndysy boıynsha qazaqstandyqtar bes medaldi, sonyń ishinde eki altyn júldeni jeńip aldy. Osylaısha, erler arasyndaǵy jarystarda altyn medaldi aqtaýlyq atlet Bereket Nurbaev qanjyǵasyna baılaǵan.
Eýropa chempıonatynyń kúmis júldegerleri bolyp Jańaózen sportshylary Bekzat Mansur men Bek Ómirzaq atandy. Sportshylar sáıkesinshe 65 kelige jáne 70 kelige deıingi salmaq dárejesindegi jarystarǵa qatysty.
Jarystyń qola júldesin 55 keliden artyq salmaq dárejesinde shyqqan Dınara Allamuratova jeńip aldy. Ótken jyly sportshy kúmis júlde alǵan edi.
Jalpykomnadalyq esepte Qazaqstan quramasy 22 orynnyń 5-ne turaqtady.
Kekýshınkaı karate-do oblystyq federatsııasynyń prezıdenti Muhtar Joldasovtyń aıtýynsha, qazirgi kezde sportshylar shilde aıynda Almatyda ótkizý belgilengen Qazaqstan chempıonatyna daıyndalý ústinde. Bul jarystar qazan aıynda Reseıdiń Habarovsk qalasynda ótkizý josparlanyp otyrǵan álem chempıonatyna irikteý boldy.
