Mańǵystaýlyq sportshy strıtlıftıngten jańa álemdik rekord ornatty

AQTAÝ. QazAqparat – Mańǵystaýlyq Ildar ıAgıaev Helsınkıde ótken álem chempıonatynda týrnıkke tartylýdan chempıon atandy. Ol alty jyldan beri osy sport túrinen álemdegi eń úzdik dep tanylyp keledi. Sportshy «Qazaqstannyń 100 jańa esimi» jobasynda jeńimpaz atandy, dep habarlaıdy QazAqparat tilshisi.

Ildar ıAgıaev 96,5 keli salmaqpen tartylyp, jańa álemdik rekord ornatty. Mańǵystaý oblystyq Strıtvorkaýt jáne strıtlıftıng federatsııasynyń prezıdenti Ildar ıAgıaev osy sport túrin óńirde damytý josparlarymen bólisti.

«Bizdiń negizgi maqsatymyz - óńirde strıtvorkaýtty jáne strıtlıftıngti tanymal etý. Osy maqsatta biz komandamen birge sportshylar úshin únemi tegin jattyǵýlar men túrli is-sharalar ótkizip turamyz. Qazir biz demeýshi taýyp, Kaspıı teńiziniń jaǵalaýynda Los-Andjelestegi masl-bıch sııaqty jattyǵý alańyn salýdy josparlap otyrmyz», - dedi Mańǵystaý oblystyq Strıtvorkaýt jáne strıtlıftıng federatsııasynyń prezıdenti Ildar ıAgıaev.

Atalyp ótilgendeı, týrnıkke tartylýdan álem chempıonatyna álemniń 20-dan astam elinen 200-den astam atlet qatysty. Jarys alty salmaq dárejesinde ótti. Jalpy júlde qory 10 000 AQSh dollaryn qurady.

Esterińizge sala keteıik, mańǵystaýlyq sportshylar bir jylda 1425 medal jeńip aldy.