Mańǵystaýlyq sportshy djıý-djıtsýdan Azııa chempıony atandy

AQTAÝ. QazAqparat - Mańǵystaýlyq sportshy Ábý-Bákir Jánibek djıý-djıtsýdan Azııa chempıony atandy. Bul týraly Mańǵystaý oblystyq sport basqarmasynyń baspasóz qyzmetinen málim boldy, dep habarlaıdy QazAqparat.

Bangkokta (Taıland) 25 aqpan kúni djıý-djıtsýdan erler men áıelder arasyndaǵy VII Azııa chempıonaty bastaldy.

Mańǵystaýlyq Ábý-Bákir Jánibek 62 keli salmaq boıynsha Azııa chempıony atandy. Sportshy Vetnam, Taıland, Irak memleketiniń sportshylarynan basym tústi.

Sonymen qatar, 57 kelide mańǵystaýlyq Araı Uzaqbaı jarystyń qola júldegeri atandy.

«Jarystyń alǵashqy kúnderinde «faıtıng-sıstem» baǵdarlamasynda Qazaqstan quramasy medaldar boıynsha jalpy komandalyq esepte ekinshi orynǵa shyqty. Djıý-djıtsý boıynsha Azııa chempıonaty 28 aqpanǵa deıin jalǵasady. Jarysqa Azııa qurlyǵynyń 30 elinen 500-den astam sportshy qatysýda», - delingen baspasóz málimetinde.