Mańǵystaýlyq sportshy belbeý kúresinen álem chempıony atandy
Astana qalasyndaǵy «Aspan» sport kesheninde 12-15 qazan aralyǵynda belbeý kúresinen 2002-2004 jylǵy jastar men qyzdar arasynda Álem chempıonaty ótti.
Úsh kúnge sozylǵan básekede 2002-2004 jyly týǵan 16 eldiń 200-ge jýyq sportshysy bozkilemde jeńimpazdy anyqtady. Jalpy esepte 5 altyn, 1 kúmis, 5 qola medalmen Ózbekstan quramasy top jarsa, Qazaqstan quramasy 4 altyn, 7 kúmis jáne 8 qola júldege qol jetkizip 2-oryn aldy.
«Qazaqstan quramasynda óner kórsetken mańǵystaýlyq Marjan Qanalıeva álem chempıony atandy. Bapkerleri - Mels Júnisbaev pen Ashat Ýtesbaev» dep málim etti Mańǵystaý oblystyq sport basqarmasy.
Jeke bapkeri Mels Júnisbaevtyń aıtýynsha, qyzdar arasynda 66 keli deıingi salmaqta Marjan alǵashqy kezdesýlerinde Mońǵolııa, Reseı memleketiniń sportshylarynan basym tússe, fınalda qazaqstandyq sportshymen kezdesip qarsylasyn 6:0 esebimen jeńdi.