Mańǵystaýlyq sportshy «Álem kýbogy - 2022» jarysynda júlde aldy
Áýesqoılar arasyndaǵy ámbebap jekpe-jek jarysynan 18 ben 20 jas aralyǵyndaǵy 30 elden 280 sportshy qatysty. Jarystyń besinshi kúninde jekpe-jektiń laıt kúres túrinen «Jas Batyr» sport mektebiniń sportshysy Tóreken Qobylanov 70 kelige deıingi salmaq dárejesinde júldeli 3-orynǵa ıe boldy.
«Jarys óte jaqsy ótti. Negizi chempıon bolamyn degen maqsatpen keldim. Qola buıyrdy. Áli de daıyndyǵymdy kúsheıtemin. Jattyqtyrýshym aıtqan barlyq ádis-tásilderdi qoldanýǵa tyrystym. Kishkene sáttilik jetispeı qaldy. Jankúıer bolyp, meni qoldaǵan barlyq dostaryma, týystaryma jáne bapkerime alǵys aıtamyn», - deıdi Tóreken Qobylanov.
Mańǵystaýlyq sportshy Tóreken Qobylanov «Unifight» sport túrimen shuǵyldanǵanyna 7 jyl bolǵan. «Álem kýbogynyń» birinshi kezdesýinde, sportshy Ázirbaıjan balýanyn jeńdi. Ekinshi jekpe-jekke joldama alyp, kezdesýdi jeńispen aıaqtaǵan. Al úshinshi dodada Tóreken Qobylanov qarsylasyna jol berip, qola medaldi ıelendi.
17 qazanda bastalǵan dúbirli doda 23 qazan kúni aıaqtalady.
