Mańǵystaýlyq shekarashylar brakonerlikpen aınalysqan ázirbaıjandyqtardy ustady
ASTANA. QazAqparat - Mańǵystaýlyq shekarashylar brakonerlikpen aınalysqan ázirbaıjandyqtardy ustady, dep habarlaıdy KTK .
Astaryndaǵy qaıyqtarynyń myqtylyǵyna sense kerek, á degennen buıryqqa baǵynbaǵan olar Kaspııde bir saǵat boıy qashyp júrdi. Tek shekarashylar oq atqannan keıin ǵana amalsyz toqtaýǵa májbúr boldy.
Biraq qaıyqtaǵy 3 brakoner Kaspııden tapqan oljalaryn teńizge qaıta laqtyryp úlgeripti. Degenmen, shekarashylar baǵaly bekirelerdiń qaı tusqa laqtyrylǵanyn anyqtap, taýyp aldy. Odan bólek uzyndyǵy 35 shaqyrymǵa jetetin balyq aýlaý quraldary da tárkilendi. Qazaqstanǵa birneshe saǵatqa ǵana kelgen kórshilerdiń tabystary da jaman bolmaı shyqty. Olar birneshe saǵatta 70 shaqty bekire men bir ıtbalyqty torǵa túsirip úlgergen.
«Ustalǵandardyń arasynda mektep muǵalimi de bar. Olarǵa shekaradan zańsyz ótti degen aıyp taǵylyp otyr. Olar bizdiń elimizge brakonerlikpen aınalysý úshin kelgenderin moıyndady. Sotqa deıin qamaýda bolady. Al, ustalǵan bekirelerdi teńizge qaıta jiberdik»,-deıdi, QR UQK Shekara qyzmeti aımaqtyq jaǵalaý kúzeti basqarmasynyń shtab bastyǵy Danııar Malshybaev.
