Mańǵystaýlyq samboshylar álem chempıonatynda kúmis jáne qola medaldar aldy

AQTAÝ. QazAqparat-Mańǵystaýlyq samboshylar Ǵanı Orysbaıuly, Qýanyshbek Kómekov, Aıkún Rahmetova álem chempıonatynda júldeli oryndarǵa ıe boldy, dep habarlaıdy QazAqparat tilshisi.

13-17 qazan aralyǵynda Armenııa eliniń Erevan qalasynda sambodan kishi jasóspirimder, jasóspirimder jáne jastar arasynda jaýyngerlik sambodan álem chempıonaty ótti.

Halyqaralyq deńgeıdegi jarysqa 24 memleketten barǵan 1000-ǵa jýyq sportshy baq synady. Qazaqstan qurama komandasynyń sapynda Mańǵystaý oblysynan 4 ul, 1 qyz qatysyp, júldeli oryndarǵa ıe boldy.

«Kishi jasóspirimderden 46 keli salmaqta Ǵanı Orysbaıuly 4 beldesý ótkizip qola medalǵa ıe bolsa, jasóspirimder arasynda 58 keli salmaqta Qýanyshbek Kómekov kúmis jáne jastar (qyzdar) arasynda 54 keli salmaqta Aıkún Rahmetova kúmis medal aldy. Jasóspirimder jáne jastar qurama komandasynyń aǵa bapkeri Baǵlan Ibragım» boldy dep málim etti Mańǵystaý oblystyq sport basqarmasynyń baspasóz qyzmeti.