Mańǵystaýlyq Rasýl Hataev MMA-dan álem chempıony atandy

AQTAÝ. QazAqparat - Mańǵystaýlyq Rasýl Hataev MMA-dan Álem chempıony atandy. Bul týraly Mańǵystaý óńirlik kommýnıkatsııa ortalyǵynan málim etti, dep habarlaıdy QazAqparat tilshisi.

Serbııa astanasy Belgradta MMA-dan eresekter arasyndaǵy Álem chempıonaty ótti. Jarysqa álemniń 62 elinen 550 asa sportshy qatysty.

«Álemdik dodada asa aýyr salmaq dárejesinde mańǵystaýlyq Rasýl Hataev jeńimpaz atandy»,- delingen málimette.

Jerlesteri chempıondy Aqtaý halyqaralyq áýejaıynan kútip aldy.

Aıta keteıik, jýyrda ǵana jańaózendik kórkem gımnasshylar Ázerbaıjannyń astanasy Baký qalasynda ótken Victory cup halyqaralyq jarysynan júldemen oralǵan edi.

Sýret: lada.kz saıtynan salyndy