Mańǵystaýlyq polıtseıler 94 keli bekire tárkiledi

AQTAÝ. QazAqparat - Mańǵystaý oblysynyń polıtseıleri 94 keli bekire tárkiledi, dep habarlaıdy QazAqparat.

«24 maýsym túngi saǵat 3:00 shamasynda polıtsııa departamenti uıymdasqan qylmysqa qarsy kúres basqarmasy qyzmetkerlerimen jedel-izdestirý sharalaryn júrgizý barysynda Túpqaraǵan aýdany Aqshuqyr aýylynda aq tústi Volvo HS90 avtokóligi toqtatyldy. Kóliktiń júk salǵyshynan 94 keli 600 gramm bolatyn 17 dana zańsyz aýlanǵan bekire tuqymdas balyq tárkilendi», - dep jazdy ІІM-nen.

24 jáne 25 jastaǵy kúdiktiler ustaldy. QR QK 339-baby boıynsha PD sotqa deıingi tergep-tekserýdiń biryńǵaı tiziliminde tirkeldi.

Tárkilengen balyq «Kazakh Osseter» JShS mekemesine tapsyryldy. Ózge aqparat QR QPK 201-baby negizinde tergeý múddesi úshin jarııa etilmeıdi.