Mańǵystaýlyq polıtseıler 274 keli bekire balyǵyn tárkiledi
AQTAÝ. QazAqparat - Aqtaý-Fort-Shevchenko baǵytyndaǵy tas joldyń 30- shaqyrymynan toqtatylǵan kólikten 58 bekire tárkilendi, balyqtardyń jalpy salmaǵy 236 keli boldy, dep xabarlaıdy QazAqparat tilshisi oblystyq ІІD baspasóz qyzmetine silteme jasap.
Tártip saqshylary 1 apta boıy júrgizgen profılaktıkalyq is-shara barysynda 1Aqtaý-Fort-Shevchenko1 baǵytyndaǵy joldan «KIA Sportage» kóligi toqtatylǵan. Tekserý kezinde kólikten barlyǵy 236 keli bekire tuqymdas balyq tabyldy.
Sondaı-aq, Túpqaraǵan aýdany Saıyn Shapaǵatov aýylynda «Ford EkoSport» kóligin qaraý kezinde 25 keli baǵaly balyq tárkilendi.
Quqyq qorǵaý qyzmetkerleri «Aqtaý-Fort-Shevchenko» baǵytyndaǵy tas joldyń 30- shaqyrymynan «Toyota Corolla» kóligin toqtatyp, 13 keli bekire tuqymdas balyqty anyqtady.
Mańǵystaý oblystyq ІІD Tabıǵatty qorǵaý polıtsııasynyń basshysy Bekqalı Aldabergenovtiń aıtýynsha, reıd barysynda sırek kezdesetin jáne joıylyp ketý qaýpi bar ósimdik men janýarlar túrlerin aýlaýǵa qarsy kúres júrgizý kózdelgen.
Atalǵan faktilerdiń árqaısysy boıynsha QR Qylmystyq kodeksiniń 399-baby 1-bóligi boıynsha is qozǵalyp, Túpqaraǵan aýdanynyń biryńǵaı sotqa deıingi tizilimge engizildi.
