Mańǵystaýlyq ónerpazdar halyqaralyq baıqaýda top jardy

AQTAÝ. QazAqparat – Mańǵystaýlyq ónerpazdar HHV halyqaralyq «Boztorgai» baıqaýynan júldeli oraldy. Bul týraly Mańǵystaý oblystyq Mádenıet basqarmasynyń baspasóz qyzmetinen málim etti, dep habarlaıdy QazAqparat tilshisi.

Baıqaýda Adıla Kımoldash 1-oryn, «Aıala» tobyndaǵy Adrıana Kerımova men Nazerke Qabyl 2-oryn, Bekbolat Jumabaı jáne Amıra Baıdovlet 3-oryn ıelendi. Al Amanjol Symbat pen Lıza Kolmychenko dıplomant atandy.

Ónerpazdardy baıqaýǵa ustazdary Aqmaral Arǵynqyzy, Laýra Jumahan, Karashash Izbaeva, Aleksandra Kım daıyndaǵan.

«Oblystyq Mádenıet basqarmasynyń basshysy Ábilqaıyr Baıpaqov baıqaýda jeńiske jetken úlgili ujym «Radýga» balalar shyǵarmashylyq ortalyǵynyń ónerpazdaryn marapattady. El abyroıyn asqaqtatýǵa qosqan úlesi úshin alǵysyn bildirdi», – delingen baspasóz málimetinde.

«Radýga» balalar shyǵarmashylyq ortalyǵynyń basshysy Olga Hnykına halyqaralyq baıqaý týraly aıtyp, shákirtteriniń jetistikterimen bólisti.

Halyqaralyq baıqaý 1-5 maýsym aralyǵynda Almaty qalasynda ótti.