Mańǵystaýlyq ónerpaz halyqaralyq baıqaýda ІІ oryndy jeńip aldy

AQTAÝ.QazAqparat - Murat Óskinbaev atyndaǵy Mańǵystaý oblystyq fılarmonııasynyń ánshisi Serijan Masjanov halyqaralyq baıqaýda ІІ oryn aldy. Baıqaý 9-10 qazan kúni Oral qalasynda ótti. Bul týraly Mańǵystaý oblystyq mádenıet, arhıvter jáne qujattama basqarmasynyń baspasóz qyzmeti málim etti, dep habarlaıdy QazAqparat tilshisi.

Qazaqstannyń eńbek sińirgen qaıratkeri, «Qurmet» ordeniniń ıegeri, ánshi-kompozıtor Donedil Qajymovtyń ánderin oryndaýshylardyń III halyqaralyq «Aq Jaıyq - arý mekenim» atty án baıqaýy ótti.

«Halyqaralyq saıysqa Mańǵystaý, Qaraǵandy Qostanaı oblysynan, Astana, Shymkent, Atyraý qalasynan, Batys Qazaqstan oblysynyń aýdandary men jergilikti Oral qalasynan barlyǵy 21 daryn qatysty. Baıqaýdyń qazylar alqasynyń sheshimimen Murat Óskinbaev atyndaǵy Mańǵystaý oblystyq fılarmonııasynyń ártisi Serijan Masjanov ІІ oryn ıelendi» delingen baspasóz málimetinde.