Mańǵystaýlyq munaıshylar Nursultan Nazarbaevqa alǵys aıtty
AQTAÝ. QazAqparat - Mańǵystaýlyq munaıshylar táýelsiz Qazaqstannyń Tuńǵysh Prezıdenti Nursultan Nazarbaevqa alǵys sezimderin jetkizdi, dep xabarlaıdy QazAqparat tilshisi.
Munaıshylar Elbasynyń elimizdegi beıbitshilikti saqtaýdaǵy eren eńbegin erekshe atap ótti.
«Biz «QazMunaıGaz» UK «ÓzenMunaıGaz» AQ munaıshylary QR Tuńǵysh Prezıdenti Nursultan Ábishuly Nazarbaevqa memleketimizdiń Táýelsizdik alǵan tusyndaǵy qıyndyqtary men kedergilerden aman-esen alyp shyǵyp, álemdik memlekettermen terezesi teń memleket qura bilgeni úshin, alty Alashtyń amandyǵy men basymyzǵa beıbitshilik ornatqany úshin alǵysymyzdy bildiremiz»,- dedi olar beıneúndeýde.
«ÓzenMunaıGaz» AQ-nyń baspasóz qyzmeti táı-táı basqan baladaı oń-solyn tanymaǵan jas Qazaqstandy búgingi álem tanyǵan dáýleti men sáýleti kelisken damyǵan elge aınaldyrǵan tulǵanyń esimin Astanaǵa berý sheshimin toǵyz myń munaıshy qoldaıtynyn atap ótti.
