Mańǵystaýlyq munaıshylar Aqmola oblysynyń demalys oryndaryna shaqyryldy
KÓKShETAÝ. QazAqparat - Elbasynyń Joldaýynda aıtylǵan ishki jəne saýyqtyrý týrızmin damytý baǵytynda qoıylǵan mindetterdi júzege asyrý maqsatynda Aqmola oblysynyń delegatsııasy Mańǵystaý oblysynda boldy. Delegatsııa quramynda kásipodaq, týrıstik sala, iri shıpajaılar jəne demalý oryndarynyń ókilderi boldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Aqtaý jəne Jańaózen qalalarynda «Mańǵystaýmunaıgaz», «Qarajanbasmunaıgaz» jəne «Ózenmunaıgaz» sııaqty elimizdegi iri munaı kompanııalarynyń basshylyǵy jəne kəsipodaq tóraǵalarymen kezdesý ótkizildi. Onda Aqmola oblysynyń shıpajaı-kýrorttyq əleýeti tanystyryldy.
Ekijaqty kelisózder nátıjesinde aqpan aıynyń basynda munaıshylar úshin Býrabaı jəne Zerendi demalý oryndarynda aqparattyq týr uıymdastyrylatyn boldy.
Sondaı-aq, Aqmola oblysy men Mańǵystaý oblysy kəsipodaqtarynyń aýmaqtyq birlestikteri əleýmettik-ekonomıkalyq , eńbek quqyǵy jəne kásipodaq músheleriniń múdesin qorǵaý, Mańǵystaý oblysyndaǵy kásiporyndar men ónerkásip salasyndaǵy jumysshylardyń Aqmola oblysy aýmaǵyndaǵy shıpajaı, saýyqtyrý oryndary, demalý úılerinde jəne pansıonattarynda demaldyrý baǵytynda ekijaqty yntymaqtastyq týraly memorandýmǵa qol qoıyldy.
Osy rette delegatsııa quramynda bolǵan Aqmola oblysy ákiminiń keńesshisi Marat Iǵalıev Elbasy Joldaýyndaǵy mindetterdi júzege asyrý maqsatynda Aqmola oblysynda ishki jəne saýyqtyrý týrızmin damytý boıynsha júıeli jumystar júrgiziletinin atap ótti.
«Aqmola oblysynyń əkimi Məlik Myrzalınniń tapsyrmasyna sáıkes, Býrabaıǵa saýyqtyrý jəne demalýy úshin elimizdegi iri kásiporyndar men ónerkásip oryndarynyń kásipodaq jumysshylaryn tartý jumystary qolǵa alynyp otyr. Osy rette, oblystyń týrıstik əleýetin ilgeri jyljytý úshin birinshi bolyp, jumysshylarymen ujymdyq kelisimsharty jəne əleýmettik paketteri bar iri kəsiporyndar shoǵyrlanǵan Mańǵystaý oblysynan bastap otyrmyz. Mańǵystaýdaǵy úsh munaı kompanııasynyń ózinde 20 myń adam jumys isteıdi. 2018 jyly Kókshetaý - Aqtaý (20 myń teńge tarıfimen aptasyna 2 retten kem emes) jəne Almaty - Kókshetaý (18 myń teńge tarıfimen aptasyna 2 retten kem emes) əýe baǵyttaryn sýbsıdııalandyrý arqyly týrısterdiń aǵymyn arttyrý kózdelip otyr...», dedi Marat Iǵalıev.
