Mańǵystaýlyq muǵalim bos ýaqytynda aǵashtan túrli buıymdar jasaıdy

AQTAÝ. QazAqparat - Mańǵystaý oblysy Jetibaı aýyly №8 mektebi tehnologııa pániniń muǵalimi Aıbolat Babanazarov aǵashtan qolóner buıymdaryn jasaıdy, dep habarlaıdy QazAqparat tilshisi.

Aıbolat Babanazarov aǵashtan buıym jasaýmen bala kezinen aınalysyp júr.

2002 jyldan beri aýyl turǵyndarynyń tapsyrysymen úı jıhazdaryn jasap júr.

«2015 jyly mektepke tehnologııa pániniń muǵalimi retinde jumysqa ornalasqannan keıin aǵashtan túrli qolóner buıymdaryn jasaýdy qolǵa aldym. Qazirgi tańda ónerdiń osy túrine shákirtterimdi de úıretip júrmin», - deıdi Aıbolat Babanazarov.

Mektep dırektorynyń oqý isi jónindegi orynbasary Alma Muqanovanyń aıtýynsha, Aıbolat «Rýhanı jańǵyrý» baǵdarlamasy aıasynda uıymdastyrylǵan «Mereıli otbasy», «Úlgili pedagog» saıystaryna oqýshylar aparyp, júldeli oryndarǵa ıe boldy.

«Aıbolat - óziniń qolynan keletin ónerin shákirtterine úıretýden jalyqpaıtyn azamat. Onyń shákirti Ersaıyn Baýyrjan iske jaramsyz bolyp qalǵan qabyrǵa saǵatyn óńdep, dombyra naqyshynda jáne plastıkalyq qaldyqtardan zymyran músinin jasady. Aıbolat teorııa men praktıkalyq dáristerdi ushtastyra biledi», - deıdi Alma Muqanova.