Mańǵystaýlyq mektep oqýshylary respýblıkalyq olımpıadada gran-prı ıegeri atandy
AQTAÝ. QazAqparat - Aqtaýda qoǵamdyq-gýmanıtarlyq pán boıynsha respýblıkalyq olımpıadanyń qorytyndysy shyqty, oǵan barlyq óńirlerden, Astana men Almaty qalalarynan 586 oqýshy qatysty, dep habarlaıdy «QazAqparat» HAA tilshisi.
Barlyǵy 252 oqýshy júldeli oryndardy ıelendi. 44 oqýshy І dárejeli dıplom men altyn medal ıelendi. 78 oqýshy ІІ dárejeli dıplommen kúmis medal, 130 oqýshy ІІІ dárejeli dıplom men qola medal aldy.
«Bul eleýli synaqqa qatysýdyń ózi biz úshin mártebe, óńirimizdi, mektebimizdi kórsetetýde árqaısymyz úshin úlken jaýapkershilik. Senderdiń bilimderiń, daryndaryń keleshekte Qazaqstannyń gúldenýine úles qosady», - dep atap ótti oblys ákimi Eraly Toǵjanov.
Olımpıada barysynda qatysýshylar qazaq mektepterinde qazaq tili, orys tili, ádebıet pánderi, orys mektepteri oqýshylaryna qazaq tili, frantsýz, nemis, aǵylshyn tilderi, Qazaqstan tarıhy, quqyqtaný negizderi pánderi boıynsha saıysqa tústi.
Olımpıada qorytyndysy boıynsha Mańǵystaý oblysynyń komandasy «Úzdik olımpıadalyq komanda - 2017 ataǵy men Gran-prı ıegeri atandy.
Barlyq júldegerler medalmen qosa, baǵaly syılyqtar aldy.
