Mańǵystaýlyq qos sportshy Azııa chempıony atandy

AQTAÝ. QazAqparat - Qytaıdyń Gonkong qalasynda dzıýdodan eresekter arasynda ótken «Azııa kýbogynda» mańǵystaýlyq eki sportshy jeńimpaz atandy, dep habarlaıdy QazAqparat tilshisi.

Gonkong qalasynda kezekti Olımpıada upaılaryn túgendeıtin Azııa kýbogy sarapqa salynǵan bolatyn. Baıraqty básekede «Jas batyr» sport mektebiniń sportshylary Azııa kýbogy ıegeri atandy. Baýyrjan Narbaev - 60 kg salmaqta, Baýyrjan Saǵynǵalıuly - 66 kg salmaqta óner kórsetip, qanjyǵasyn 100, 60 upaımen tolyqtyrdy.

«Qos batyrdy kúlli qazaqstandyqtardyń atynan, mańǵystaýlyq sportsúıer qaýymnyń atynan jáne oblystyq «Jas Batyr» sport mektebiniń atynan shyn júrekten quttyqtaımyz»,-dep jazdy sport mektebiniń dırektory Manarbek Bısekenov áleýmettik jelide.