Mańǵystaýlyq kompanııa 4 mlrd teńge aıyppul boıynsha Joǵarǵy sotqa júgindi

Atalǵan kompanııa ókilderiniń málimetinshe, ekologııalyq tekserý qorytyndysy boıynsha kásiporynǵa eshqandaı negizsiz 4,1 mlrd teńge somasynda aıyppul salynǵan, dep habarlaıdy QazAqparat.

«Ótken jyly Mańǵystaý oblysy Ekologııa departamenti bizdiń kásiporynda tekserý júrgizip, onyń qorytyndysy boıynsha aıyppul salyndy. Bir qaraǵanda, bul kezekti tekserý sekildi. Biraq ta bul másele budan buryn bastalǵan bolatyn. Osyǵan deıin mundaı tekseris júrgizilgen edi, sol kezde Ekologııa departamenti barlyq tólemder men aıyppuldardy eseptep berdi. Óz kezegimizde sotqa júginip, jergilikti mańǵystaýlyq sot bizdiń ustanymnyń durystyǵyn bekitti. Sottarda biz ózimizdiń quqyǵymyzdy qorǵap shyqtyq», - dedi atalǵan kompanııanyń zańgeri Igor Toşanov.

Taratylǵan málimetke qaraǵanda, 2015 jyly osy tektes talqylaý barysynda QR Joǵarǵy soty «Ekoterra» paıdasyna sheshimin shyǵardy. Onyń negizinde «Ekoterra» JShS óndiris qaldyqtaryn qaıta óńdeý kezinde qaldyqtardy óńdeýdiń úzdiksiz óndiristik tsıklynda qaldyqtardy ýaqytsha saqtaýdy qamtamasyz etedi. Bul úshin qorshaǵan ortaǵa emıssııalarǵa ruqsat alý talap etilmeıdi. Sáıkesinshe, qorshaǵan ortaǵa emıssııalar úshin tólem jasamaýy tıis.

QR ekologııalyq zańnamasy qaldyqtardyń paıda bolýyn azaıtýǵa baǵyttalǵan jáne olardy qaıta óńdeýdi yntalandyrady. Osyǵan baılanysty kásiporynnyń qaldyqtaryn jaıǵastyrý úshin alynatyn ekologııalyq tólemder esebinen qaldyqtar qaıta óńdelýi tıis. ıAǵnı, kásiporyn qaldyqtardy óńdeıtin bolsa, ol qorshaǵan ortaǵa emıssııalar úshin tólemderden bosatylady, sebebi ol qaldyqtardy qorshaǵan ortaǵa tastamaıdy, kerisinshe óndiriste ekinshi ret paıdalanady.

«Joǵarǵy sottyń zańdy sheshimi bar. Alaıda 2018 jyly bizdi qaıtadan qaldyqtardy ornalastyrǵany úshin jaýapqa tartyp, aıyppuldardy eseptedi. Biz sotqa baryp, osyǵan deıin bizdiń paıdamyzǵa tıisti sheshim jasalǵanyn kórsettik. Alaıda ony eshkim de nazarǵa almady. Bizdi kináli sanap, emıssııa úshin tólem jasaýdy mindettep otyr», - dedi zańger.

Qazirgi ýaqytta «Ekoterra» JShS oblystyń birinshi jáne apellıatsııalyq ınstantsııalardaǵy sotynyń sheshimi negizinde ákimshilik jaýapqa tartylýda. Oǵan qosa, tekserý aktisi negizinde oblystyń memlekettik kirister organdarynan «Ekoterra» JShS-ge jalpy somasy 4,1 mlrd teńgege qorshaǵan ortaǵa emıssııalar úshin aqy somasyn óndirip alý týraly 4 habarlama jiberildi.

Óz kezeginde kompanııa basshylyǵy aıtylǵan narazylyqtarmen kelispeıtindigin jarııalady. Qazirgi ýaqytta «Ekoterra» JShS-in ákimshilik jaýapqa tartý jónindegi Mańǵystaý oblysy sotynyń sheshimine qatysty QR Joǵarǵy sotyna shaǵym jasaldy.

Kompanııanyń teń quryltaıshysy Gúljıhan Jaqaevanyń atap ótýinshe, búginde kompanııa 4 mlrd teńge aıyppuldy tóleýge qaýqarsyz, osynyń saldary óndiristi bankrotqa alyp kelýi múmkin.

«Kúıeýim ekeýimiz kompanııany ózimiz qurdyq. Bizdiń kásiporynda qaldyqtardy tolyqtaı qaıta óńdeıtin múmkindikter bar. Qazirgi kezde kompanııada 200 adam qyzmet etýde, olarǵa 150-300 myń teńge somasynda eńbekaqy tólenip keledi. Olardyń barlyǵynda otbasylary, alǵan nesıleri bar», - dedi G. Jaqaeva.

Aıta keteıik, tekserýler qorytyndysy boıynsha «Ekoterra» JShS 2016 jyldyń qarasha, jeltoqsan aılary jáne 2017 jyly qorshaǵan ortaǵa emıssııalarǵa ruqsat berýde belgilengen normatıvterden qaldyqtardy asyra qaıta óńdep, soǵan sáıkes jaıǵastyrǵany anyqtaldy.