Mańǵystaýlyq kıkbokserler álem kýbogynda toǵyz medal jeńip aldy
AQTAÝ. QazAqparat - Túrkııanyń Ystanbul qalasynda kıkboksıngten eresekter, jastar jáne kadetter arasynda ótken VII álem kýbogynda Mańǵystaý oblysynyń sportshylary tórt altyn, bes qola medal jeńip aldy, dep habarlaıdy QazAqparat.
12-15 mamyr aralyǵynda ótken jarysqa álemniń 45 elinen 900-ge jýyq sportshy baq synaǵan.
Kıkboksıngten Mańǵystaý oblysynyń bas bapkeri Tóremurat Selikovtiń aıtýynsha, aqtaýlyq boksshylar baıraqty básekede barlyq jas sanattarynda qatysty.
2004-2005 jylǵy sportshylar arasynda úsh boksshy elge joǵary medal ákeldi. Aqjol Qosybaev (51 keli) K-1 erejesinde, Ánýar Baqytjanuly (75 keli) men Nursat Ǵalymbekuly (91 keliden joǵary) fýll-kontakt erejesinde qatysyp, altyn júldege ıe boldy. Bul jas sanatynda Erasyl Dosan (86 keli) loý-kıkten qola júldeger atandy.
2006-2007 jyly týǵan kadetter arasynda fýll-kontakt boıynsha Asqar Tynyshbaı (54 keli) altyn medal jeńip aldy. Al sol jas kategorııasynda baq synaǵan Dıdar Bazar (51 keli, loý-kık), Aısaǵalı Mádı (57 keli) jáne Mahmud Mádı (67 keli) qola júldeni qanjyǵasyna baılady.
Eresekter arasynda 67 kelige deıingi salmaqta Selbaı Ónerbek fýll-kontakt boıynsha qola júldeger atandy. Ol tórtinshi raýndta túrik balýany Qaradak Tanjýdan jeńilip qaldy.
