Mańǵystaýlyq kelinshek úshemin ertip, daýys berýge keldi

AQTAÝ. QazAqparat – Mańǵystaý oblysy Munaıly aýdanynyń turǵyny «Kúmis alqa»ıegeri Gúlsara Vapaeva saılaý ýchaskesine 5 jastan asqan úshem Erbol, Nurbol, Іńkármen birge keldi, dep habarlaıdy QazAqparat tilshisi.

«Búgin erte turyp, saılaýǵa keldik. Osyndaı sheshýshi sátten qalys qalmaýymyz qajet dep taptyq. Óıtkeni balalarymyzdyń erteńi búgin saılanatyn depýtattarǵa, olar qabyldaıtyn zańdarǵa tikeleı baılanysty.

Balalarymyzdyń bolashaǵy jarqyn bolsyn degen nıetpen tańdaý jasadyq», - deıdi ol.

Búginde Gúlsara Vapaeva áýlettiń tútinin jaǵyp otyrǵan aıaýly kelin, ardaqty ana. Alty balasy bar. Ul-qyzdarynyń aldy 5-synypta oqysa, kishisi – besikte.

Saıası naýqanda belsendilik tanytqan úshemniń ata-anasyna estelik syılyqtar tabystaldy.

Jalpy Mańǵystaý óńirinde búgin 247 saılaý ýchaskesi jumys jasap jatyr. Onyń tórteýi qaıta qurylǵan. 52-niń shekarasy ózgertilgen. Oblysta 418 002 saılaýshy tirkelgen, onyń ishinde 20 579 turǵynnyń múgedektigi bar.