Mańǵystaýlyq kásipker eshki sútinen tabıǵı ónimder daıyndaıdy
Qaraqııa aýdanynda kásibin 2 eshkimen bastap, búginde 100-ge jetkizgen Roza eshki sútinen tabıǵı ónimder daıyndaıdy. Jaqynda kásibin órkendetý maqsatynda áleýmettik jobaǵa qatysyp, grant jeńip aldy.
Aýyl áıelderiniń aýyldaǵy ómir sapasyn arttyrý baǵytynda onlaın túrde III aespýblıkalyq forýmǵa qatysyp, jeńimpaz atandy. Ol eshki sútinen máıek uıytyp qaınatý ádisimen qurt, sary maı, irimshik sekildi tabıǵı ónimder ázirleıdi.
«Eshki sharýashylyǵy - mal sharýashylyǵynyń bir salasy. Osy salany qolǵa alǵanyma 3 jyl boldy. Eshki ónimderin daıyndaýdy ári qaraı damytý maqsatynda áleýmettik jobasyna qatysyp, jeńimpazdardyń biri boldym. Osy joba arqyly beriletin qarajatty kásibimizdiń aýqymyn keńeıtý úshin qajetti negizgi tehnıkalardy satyp alýdy oılap otyrmyn» - dedi ol.
