Mańǵystaýlyq dzıýdoshy Azııa chempıony atandy
AQTAÝ. QazAqparat - Mańǵystaýlyq dzıýdoshy Muhammed Zulqarnaev Lıvan qalasynda jasóspirimder arasynda ótken Azııa chempıonatynan júldeger atandy,dep habarlaıdy Qazaqparat tilshisi.
15 elden sportshylar qatysqan saıys 2 kúnge jalǵasqan. 90 keli salmaqta boz kilemge shyqqan Muhammed jasóspirimder arasynda ótken Olımpıada oıyndaryna qatysýǵa múmkindik aldy. Altyn medal ıegeri osyǵan deıin Tashkent qalasynda ótken Azııa kýbogynyń kúmis júldegeri atanǵan bolatyn.
«1 aınalymda mońǵol balýanymen shyqtym. Ony taza ıpon ádisimen jeńdim. Jartyla fınalda ózbek palýanymen kezdesip, baǵym janyp altyn alqa taqtym. Alǵa qoıǵan maqsatymyz bar. Álem dodasynda júldege ıe bolamyz oıdamyz»,-deıdi Azııa chempıonatynyń júldegeri Muhammed Zulqarnaev.
