Mańǵystaýlyq dáriger: Vaktsına – ınfektsııadan qorǵanýdyń jalǵyz joly

AQTAÝ. QazAqparat – Mańǵystaýda ótken aptada alǵash bolyp eriikti turde dárgerlerdi vaktsınatsııalaý bastaldy. Alǵash bolyp ekpe alǵan medıtsına qyzmetkerleriniń biri - oblystyq aýrýhananyń dırektory Jánibek Ájmuhanov. QazAqparat tilshisi reseılik «Spýtnık - V» vaktsınasyn alǵan mańǵystaýlyq dárigermen suhbattasty.

Ózi basshylyq etetin aýrýhana qyzmetkerleri 3 aqpannan bastap ekpe ala bastaǵan. Jánibek Ájmuhanovtyń aıtýynsha, vaktsınany paıdalanǵan kezde ımmýndyq júıe kúsheıedi.

«Pandemııa qazir órship tur. Infektsııa adamnyń organızmine túsken kezde oǵan qarsy shyǵatyn ımmýndyq júıe bar. Vaktsınany paıdalanǵan kezde ımmýndyq júıe kúsheıedi. ıAǵnı vaktsınatsııa alǵan adam kóp bolsa, ımmýndy qabaty joǵary bolyp, nátıjesinde pandemııa álsirep, jaǵdaı turaqtala bastaıdy», - dedi ol.

Mańǵystaý oblystyq aýrýhanasyndaǵy reanımatsııa, ınfektsııa, qabyldaý bólimderinde jumys isteıtin medıtsına qyzmetkerleri koronavırýstyq ınfektsııaǵa qarsy ekpe aldy.

«Jalpy vaktsına degenimiz ımmýndy bıologııalyq preparatqa jatady. Janama áserleri boıynsha allergııa, bórtpe, qyzý bolýy múmkin. Kóbine oǵan eshqandaı em qabyldaýdyń qajeti joq. Negizgi keri áser 3 kúnniń ishinde belgili bolady. Ózim de eń birinshi ekpe alǵan qyzmetkerler arasynda boldym. Densaýlyǵymyz jaqsy, keri áseri joq. Qalypty jaǵdaıda jumysymyzdy atqaryp jatyrmyz»,-deıdi Mańǵystaý oblystyq aýrýhanasynyń dırektory Jánibek Ájmuhanov.

Mańǵystaý oblysynda vaktsınatsııany júzege asyratyn 10 egý bólmesi daıyn .

Onyń ishinde 2 – Aqtaý qalasynda, 3 – Jańaózende, 1 – Qaraqııa aýdanynda, 1 – Túpqaraǵan aýdanynda, 1 – Beıneý aýdanynda, 1 – Mańǵystaý aýdanynda jáne taǵy bireýi Munaıly aýdanynda ornalasqan.