Mańǵystaýlyq bes dzıýdoshy respýblıkalyq jarysta jeńimpaz atandy (FOTO)
AQTAÝ. QazAqparat - Maańǵystaýlyq sportshylar Oral qalasynda dzıýdodan ótken respýblıkalyq jarystan oraldy. Eki kúndik týrnır Halyqaralyq áıelder kúnine arnalyp ótkizildi, onyń qorytyndysy 6 naýryzda shyǵaryldy.
Jarysqa Batys Qazaqstan, Mańǵystaý, Atyraý oblystarynyń, Shymkent, Aqtóbe, Qyzylorda qalalarynyń 2003-2005 jylǵy 200 sportshysy qatysty. Mańǵystaý oblysynyń quramasyna 17 dzıýdoshy kirdi. Bes mańǵystaýlyq sportshy 2 altyn, 2 kúmis jáne 1 qola júldege ıe boldy.
Jetkinshekter birinshi márte respýblıkalyq jarysqa qatysty. Altyn medaldi Jasulan Asarov ( «Jastar» sport mektebi, 55 keli salmaqta), Erdos Begaıdaruly (Shetpe kenti, 26 keli) aldy. Kúmis júldege Meırambek Aldabergen ( «Jastar» sport mektebi, 50 keli salmaqta) jáne Maǵjan Aıapbergen («Jastar» sport mektebi, 23 keli) ıe boldy. Qola júlde Erjigit Tájimuratqa ( «Jastar» sport mektebi (32 keli salmaqta) buıyrdy.
Mańǵystaý quramasy jalpy komandalyq esepte 3-shi orynǵa turaqtady.
