Mańǵystaýlyq 750 jas Túrkııada oqıtyn boldy

AQTAÝ. QazAqparat - Mańǵystaýlyq 700-den asa stýdent qyzmet kórsetý salasy boıynsha Túrkııada bilimin jetildiredi, dep habarlaıdy QazAqparat tilshisi.

Stýdentter qonaq úı, meıramhana, týrıstik qyzmet kórsetý, tamaqtaný salasynda daıarlyqtan ótedi. Ári qaraı álemge tanymal «Rixos» qonaq úıler jelisinde taǵylymdamaǵa jiberiledi.

Aıta keteıik, Aqtaýdan 20 shaqyrym qashyqtyqta iri demalys kesheni salynyp jatyr. Onda 5 juldyzdy qonaq úı, iri akvaparkter, oıyn-saýyq ortalyqtary ornalasady. Arnaıy daıyndyqtan ótken mamandar osy demalys kesheninde qyzmet etedi.

«Oqýǵa jiberiletin stýdentter irikteledi. Arnaıy mamandar tańdap alady. Bastysy, oqýǵa jigeri bar, Aqtaýdaǵy qonaq úıde qyzmet etetin úzdik mamandar daıarlanady. Mysaly, aspazdar, daıashylar, baqsha kútýshisi, tehnıkalyq qyzmet kórsetýshiler. Aldy osy jeltoqsanda kete bastaıdy, olar oqýyn mamyr aıynda aıaqtaıdy»,-deıdi «Fine Otel Turizm Isletmecilik» kompanııasynyń ókili Terdjan Tansel.