Mańǵystaýlyq 40 myń jumysshy astanamyzdyń Nur-Sultan bolyp ózgerýin qoldady
Olar óńir ekonomıkasynyń qaryshtap damyp, jańa kásiporyndardyń iske qosylýynda Elbasynyń atqarǵan eńbegi ólsheýsiz ekendigin aıtady.
N.Nazarbaevtyń strategııalyq josparynyń arqasynda oblysta jańa avtomobıl, temirjoldar men teńiz porttary salynyp, Eýropaǵa tikeleı jol ashyldy. Myńdaǵan jańa jumys oryndary quryldy.
Elbasyna alǵystaryn jetkizgenderdiń qatarynda munaıshylar, qurylysshylar, temirjolshylar, kásipkerler men zaýyt jumysshylary bar.
«Ózenmunaıgaz», «Mańǵystaýmunaıgaz», «Qarajambasmunaı», «Qaraqudyqmunaı», «Bozashy Opereıtıng LTD» syndy iri munaıgaz kompanııalarynyń 20 myńdaı eńbekkeri Elordaǵa Elbasynyń esimin berýdi quptaıtyndaryn jetkizdi.
«Alıans LTD», «Ońdasyn stroı, «Aqjol qurylys», «As qurylys», «Maks KM», «Aqtaý stroı», «Kezbı», «Kaspıı tsement», «Qaz Azot», «Aqtaý NSh», «Aıkom», «SMK» qurylys mekemeleri men óndiris oshaqtarynyń ujymy da elimiz úshin mańyzy zor tarıhı sheshimdi qoldap otyr.
«Mańǵystaý qurylys salasynda 2018 jyly rekordtyq kórsetkishke qol jetkizip, 1 mıllıon 200 myń sharshy metr turǵyn úı boı kóterdi. Bul Elbasynyń bastamasymen iske asyrylǵan «Nurly jer» men «Nurly jol» baǵdarlamasynyń jemisi»,-deıdi qurylysshylar.
Al, bıznes ókilderi kıeli Mańǵystaý óńirindegi orta jáne shaǵyn kásipkerliktiń órkendeýi memleket tarapynan jasalǵan qoldaý sharalarynyń nátıjesimen baılanysty ekenin aıtady.
«Atameken» UKP Mańǵystaý oblysyndaǵy fılıalynyń 7 myń ókili de astanamyzdyń «Nur-Sultan» bolyp ózgerýin oń sheshim dep baǵalap otyr. «Qazaqstan temir joly» UK aımaqtaǵy 5 myńǵa jýyq qyzmetkeri de Tuńǵysh Prezıdenttiń eren eńbegine alǵystaryn jetkizdi.
