Mańǵystaýlyq 3500 otbasyǵa Jańa jylǵa oraı kómek kórsetildi
Qaıyrymdylyq sharasy aıasynda Mańǵystaýdaǵy turmysy tómen 3500 otbasyǵa 30 mln teńge kóleminde kómek kórsetilgen.
Igi bastamany óńirdegi barlyq aýdan, qala ákimdikteri qoldap, sharaǵa mekemeler, kásipkerler, máslıhat depýtattary, qoǵamdyq keńes pen uıymdar, aımaq jastary óz úlesterin qosty.
Munaıly aýdany boıynsha 524 jaǵdaıy tómen jáne kópbalaly otbasyna 2 096 000 teńgege qaıyrymdylyq kómek kórsetilgen. 720 múgedek, ata-ana qamqorlyǵynsyz qalǵan jáne kópbalaly otbasynan shyqqan balalarǵa 1 200 000 teńgege qaıyrymdylyq shyrshasy uıymdastyrylǵan. Aýdan kásipkerleri de atsalysyp, 15 otbasyǵa qappen un úlestirilip, Batyr aýylyndaǵy birneshe bala qystyq syrt kıimmen qamtyldy. Aýdandyq prokýratýra ujymy, Mańǵystaý aýyldyq "Mıǵraj" meshiti jáne aýdan jastary da atsalysty.
Máselen, Dáýlet aýyldyq okrýgi ákimdigi ǵımaraty janynan aýyldyq qoǵamdyq keńes múshelerine jáne ardagerlerge arnalǵan bólme ashyldy. Atameken aýyldyq okrýgi ákimdiginiń jáne Ar-Raxman meshitiniń uıymdastyrýymen turmystyq deńgeıi tómen áleýmettik turǵydan az qamtylǵan otbasylary balalaryna jańa jyl merekesi qarsańynda syılyqtar úlestirilip, qystyq kıim-keshekpen qamtamasyz etildi.
Túpqaraǵan aýdanynda 52 otbasy men 179 balaǵa 5 210 000 teńgeniń qaıyrymdylyq kómegi jasalǵan.
Beıneý aýdanynda 118 az qamtylǵan otbasy men 148 balaǵa 2,1 mln teńgege azyq - túlik, syılyqtar, kıim-keshekter taratylǵan. Onyń ishinde 37 jetim balaǵa qysqy syrtqy kıimder men aıaq kıim alyp berildi. 70 múmkindigi shekteýli balaǵa jańajyldyq syılyq jasalyp, 41 áleýmettik jaǵynan az qamtylǵan otbasyǵa syı - sııapat jasaldy.
Qaraqııa aýdany da sharaǵa belsendi atsalysyp, 111 muqtaj otbasyna 3 512800 teńge kóleminde jańajyldyq syılyqtar men qajetti azyq - túlik jıyntyǵy tabystalǵan.
Mańǵystaý oblysynyń kásipkerlik palatasy «Atameken» Qaraqııa aýdandyq fılıaly tarapynan Quryq gımnazııa mektebinde oqıtyn jaǵdaıy tómen otbasylardyń balalaryna (104) syılyq berildi. Jetibaı aýdandyq elektrojúıesiniń Quryq bólimshesi men «QazTransgaz Aımaq» AQ 4 otbasynyń qaryzyn ótep bergen.
Al, Aqtaý qalasynda da 1500 adamǵa jalpy somasy 5 mln teńgege azyq-túlik pen jańajyldyq syılyqtar úlestirilip, qarjylaı kómek berildi.
Jańaózen qalasynda «Asar» aktsııasy aıasynda Teńge jol kólik apatynan zardap shekken naýqastarǵa syılyqtar berildi. Noýtbýk pen uıaly telefondar jáne táttiler úlestirildi. "ÓzenMunaıGaz" AQ 300 balaǵa qaıyrymdylyq shyrshasyn ákimshiliktiń qoldaýymenuıymdastyryp, syılyqtar taratty.
Jańaózen qalasy Teńge men Rahat aýylynda da múgedek, jalǵyzbasty ana men 7 otbasyǵa qarjylaı kómek, azyq-túlik jáne jańajyldyq syılyqtar tabystaldy. Sondaı-aq, qaıyrymdylyq shyrshasy uıymdastyrylyp, áleýmettik jaǵdaı tómen 150 balaǵa syılyqtar berilgen. Qyzylsaı aýylynda 120 bala men 10 jaǵdaıy tómen otbasyǵa azyq-túlik taratyldy.
«Aqtaýdyń qaıyrymdy jandary» erikti jastarynyń uıymdastyrýmen qarttar úıinde qaıyrymdylyq is-sharasy uıymdastyrylǵan.Shara barysynda qarttarǵa arnaıy dastarhan jaıylyp, syılyqtar tabystaldy.