Mańǵystaýǵa jyl basynan beri 54 myńnan astam týrıst kelgen
AQTAÝ. QazAqparat – Jyl basynan beri Mańǵystaý oblysyna 54 575 týrıst kelgen. Bul týraly Mańǵystaý oblystyq týrızm basqarmasy málim etti, dep habarlaıdy QazAqparat tilshisi.
Basqarma aqparatyna qaraǵanda, bıylǵy 5 aı ishinde óńirge kelgen týrıster sany byltyrǵymen salystyrǵanda 2 myń adamǵa artyq.
«Óńirde týrıster toqtaıtyn oryndar sany 98-ge, al qonaq úı nómirleri 3 810-ǵa deıin ulǵaıdy. Jyl basynan 1,2 mlrd teńgege qyzmet kórsetildi. Sonymen qatar, týrızm salasyna tartylǵan ınvestıtsııa kólemi artty. Máselen, 2021 jyldyń qorytyndysy boıynsha 43,8 mlrd ınvestıtsııa tartylsa, bıyl qańtar-sáýir aralyǵynda bul kórsetkish 3,97 mlrd teńgeni qurady» delingen habarlamada.
Basqarmanyń aqparatyna sensek, bıyl Mańǵystaýda 40 mlrd-tan astam qarjyǵa 6 jobany iske qosý josparlanǵan.
Eske sala keteıik, elimizde týrpaket sheńberinde saıahattaıtyn 2-17 jas aralyǵyndaǵy balalarǵa ushaq bıletin tegin alý erejeleri jarııalandy.
