Mańǵystaýǵa «Vero Cell» vaktsınasynyń 10 myń dozasy jetkizildi

AQTAÝ. QazAqparat - Mańǵystaýǵa Vero Cell vaktsınasynyń 10 000 dozasy jetkizildi, dep habarlaıdy QazAqparat tilshisi. Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.

«Óńirge Sinofarm kompanııasynyń 10 myń dana Vero cell vaktsınasy keldi. Óndirýshi eli – Qytaı. Bul Vaktsına Qazaqstan Respýblıkasy Úkimetiniń №850 qaýlysymen bekitilgen COVID-19-ǵa qarsy vaktsınalardy ýaqytsha memlekettik tirkeý qaǵıdalaryna sáıkes ýaqytsha memlekettik tirkeýden ótti. Preparat 18 jastan asqan adamdarda COVID-19 aldyn alý úshin belsendi ımmýndaýǵa arnalǵan. Preparat bulshyqet ishine 21-den 28 kúnge deıingi aralyqpen 0,5 ml-den eki dozamen engiziledi. Oblys turǵyndaryna vaktsına salýǵa qujattar toltyrylǵasyn ǵana bastalady»,-dedi Ǵazız Nadýev.

Jalpy Mańǵystaýda koronavırýs ınfektsııasyna qarsy ekpe alý kórsetkishi tómen. Oblys kóleminde 18 tamyzǵa deıin 1 komponentpen 127 237, 2 komponentpen – 87 974 adam egildi