Mańǵystaýǵa marıhýana jibermek bolǵan 40 jastaǵy er adam ustaldy
ASTANA. QazAqparat - 23 sáýiri kúni Jambyl stantsııasyndaǵy Іshki ister jelilik basqarmasy Esirtki bıznesine qarsy kúres bóliminiń qyzmetkerleri «Lında» laqap atty qyzmettik izdestirý ıtiniń kómegimen Jambyl stantsııasyndaǵy júk bólimine tekserý júrgizýi kezinde 40 jastaǵy azamatty ustady, dep habarlady Kóliktegi ІІD-niń baspasóz qyzmetinen.
Kúdiktiden qara jasyl tústi, ózine tán ıisi bar ósimdik tektes zattar toltyrylǵan eki jol sómke men 8 propılen qap tárkilendi.
Sot-hımııalyq saraptama ustalǵan azamattan alynǵan zattardyń jalpy salmaǵy 69 keli 860 gr bolatyn «keptirilgen marıhýana» esirtki zaty ekendigin anyqtady. Tergeý barysynda kúdikti esirtki zattaryn oǵan jasy 45-tegi tanysy Mańǵystaý oblysyna jiberý úshin bergendigin aıtty. Qazirgi kezde QR QK 296-baby 4-shi bólimine sáıkes, ıaǵnı asa iri mólsherdegi esirtki nemese psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý boıynsha sotqa deıingi tergeý amaldary bastaldy.
