Mańǵystaýǵa qatynaıtyn tozyǵy jetken vagondar jańartylmaq

AQTAÝ. QazAqparat – Mańǵystaý-Almaty baǵyty boıynsha 25 jańa vagon iske qosylady, dep habarlaıdy QazAqparat tilshisi.

«Jolaýshylar tasymaly» AQ resmı ókili Dıas Ahmetsháriptiń aıtýynsha, jańa vagondar turǵyndardyń ótinishimen jańartylmaq. Sebebi, osy baǵyttaǵy vagondar tozǵany týraly shaǵymdar kóp túsken.

«Eski vagondardy arnaıy komıssııa qaraıdy. Áli 5 jylǵa paıdalanýǵa bolatyn, jolǵa jaraıtyndaryn shyǵaramyz. Al, tozyǵy jetkender ýtılızatsııaǵa jiberiledi»,-deıdi Dıas Ahmetshárip.

Eki poıyz jańa 25 platskart vagondarynan quralǵan. Zaman talabyna saı kondıtsıoner, sý súzgish, órtke qarsy júıe, bıotýalet qondyrǵylarymen jabdyqtalǵan. Ár vagonda 54 oryn bar. Bılet baǵasy burynǵydaı saqtalady.

Eske salsaq, keshe elordadan Almatyǵa qosymsha bir rettik poıyzdar qatynaıtyndyǵy habarlaǵan bolatynbyz.