Mańǵystaýǵa bıyl qyzǵylt qoqıqaz mezgilinen buryn ushyp keldi

AQTAÝ. QazAqparat - Bloger, vıdeograf Azamat Sársenbaev áleýmettik jelide qoqıqazdar kóldiń betinde ushyp júrgen ádemi beınesin jarııalady, dep habarlaıdy QazAqparat.

«24 qyrkúıek kúni keshke 18:00 shamasynda Qarakólden túsirdim. Osy jyly qustar erte keldi. Olar qarashanyń ortasyna deıin osynda bolady. Sosyn ary qaraı Iran, Túrikmenstanǵa ushyp ketedi» - dedi bloger Azamat Sársenbaev.

Qyzǵylt qoqıqaz Qazaqstannyń Qyzyl kitabyna engizilgen jáne álemde onyń 10-nan astam túri kezdesedi.

Qoqıqazdar Mańǵystaýǵa budan buryn aqpan aıynda kelgen edi.