Mańǵystaýǵa Birikken Arab Ámirlikterinen 7,5 tonna gýmanıtarlyq kómek keldi

AQTAÝ. QazAqparat - Búgin Mańǵystaý oblysynyń ákimi Serikbaı Trumovtyń BAÁ basshylarymen júrgizgen kelissózi nátıjesinde aımaqqa gýmanıtarlyq kómek kelip jetti. 7,5 tonna júk tıelgen áýe kemesi Aqtaý halyqaralyq áýejaıyna kelip qondy, dep habarlaıdy QazAqparat.

Kelgen kómektiń ishinde 25 ókpeni jasandy jeldetý apparaty, 95 myń betperde, 100 myń antıdeneni anyqtaıtyn test, 250 myń medıtsınalyq qolǵap, 15 myń qorǵanysh halaty jáne 6 myń qorǵanysh japqyshy bar.

Bul medıtsınalyq jabdyqtar Mańǵystaý oblysyndaǵy barlyq qala men aýdandardaǵy medıtsınalyq uıymdarǵa úlestirilip beriledi.

Gýmanıtarlyq kómektiń durys bólinip, maqsatty jumsalýyn ár qala men aýdanda arnaıy qurylǵan komıssııa qadaǵalaıdy. Komıssııa quramyna jergilikti depýtattar, qoǵam belsendileri men memlekettik organ ókilderi enedi.

Mańǵystaý óńiriniń basshysy kómek qolyn sozǵan Abý Dabı ámirliginiń Taq murageri, Birikken Arab Ámirlikteriniń Qarýly Kúshteri Bas qolbasshysynyń orynbasary sheıh Muhammed ben Zaıd Ál Nahaıan men Abý Dabı bıleýshi áýletiniń ókili sheıh Sýrýr ben Muhammed Ál Nahaıanǵa rızashylyǵyn bildirdi.