Mańǵystaýǵa áskerı dárigerler keldi

AQTAÝ. QazAqparat - QR Premer-Mınıstri Asqar Mamınniń tapsyrmasyna sáıkes, Mańǵystaý oblysynyń ákimdigi koronavırýsqa qarsy kúresti kúsheıtý úshin medıtsına mamandaryn aldyrtyp jatyr, dep habarlaıdy QazAqparat Óńirlik qoǵamdyq kommýnıkatsııa ortalyǵyna silteme jasap.

Naýqastardy emdeýge 12 áskerı dáriger jumyldyrylady. Onyń 10-y búgin Shyǵys Qazaqstan oblysynan keldi. Bul mamandardyń altaýy Semeıden jáne tórteýi Óskemen qalasynan. Al, ekeýi Aqtaýdaǵy 25744 áskerı bóliminiń dárigeri.

Sonymen qatar, búgin óńirge Aqtóbe qalasyndaǵy medıtsına ýnıversıtetin bitirgen 10 jas maman keldi. 18 shilde kúni taǵy 6 dáriger jumystaryn bastaıdy. Buǵan deıin sol ýnıversıtetti támamdaǵan 5 maman Aqtaýǵa barǵan edi. Taǵy 5 dáriger qazirgi ýaqytta Aqtóbede jumys istep jatyr, tamyz aıynda olar Aqtaýǵa keledi.

Jalpy, Mańǵystaýǵa 26 jas mamannyń kelýi kútilýde. Onyń 15-i ınternatýrany, 7-i rezıdentýra bitirgen dárigerler. 4 aqtóbelik maman Mańǵystaýda turaqty túrde eńbek etýge nıetti.