Mańǵystaýdyń túıelerin urlaǵan sheteldikter ustaldy
ASTANA. QazAqparat - Mańǵystaýdan túıe urlaǵan Túrikmenstan jáne Ózbekstan azamattary ustaldy, dep jazady Lada.
Oblystyq ishki ister qyzmetkerleri túıe urlaǵandardy Beıneý aýdany men Atyraý aýmaǵynan ustaǵan.
Barymtashylar iri qarany Qyzylsaı aýdanyndaǵy óndiris aýmaǵynan túıeler qaraýsyz qalǵanda aıdap áketken. Jedel is-shara barysynda iri qara maldy urlaýmen aınalysatyn toptardyń biri Atyraýda, taǵy biri - Beıneý aýdanynyń aýmaǵynda ustalǵan.
«Kúdiktilerdi tekserý barysynda olardyń buryn osyndaı qylmys jasaǵany úshin isti bolǵandary anyqtaldy. Sondaı-aq, olar 8 qańtarda Aqtaýdan bes shaqyrym jerde jaıylyp jatqan eki túıeni urlaǵan. Barymtashylar Túrikmenstan jáne Ózbekstan azamattary bolyp shyqty. Keltirilgen zalaldyń somasy 2 mıllıon 750 myń teńge», - delingen oblystyq ІІD baspasóz qyzmeti taratqan habarlama.
Olarǵa qatysty QR QK 188-baby boıynsha qylmystyq is qozǵaldy. Sotqa deıingi tergeý amaldary júrip jatyr.
