Mańǵystaýdyń turǵyny bótelkelesin symmen býyndyryp óltirgen
AQTAÝ. QazAqparat - Mańǵystaý oblysynyń qylmystyq ister jónindegi mamandandyrylǵan aýdanaralyq soty aıyptalýshyny kináli dep taýyp, 11 jylǵa bas bostandyǵynan aıyrdy. Bul týraly oblystyq sottyń baspasóz qyzmeti habarlaıdy.
Oqıǵa cáýirde Aqtaý qalasynda bolǵan. Qylmystyq istiń derekterine súıensek, aıyptalýshy E. bir top tanysymen ishimdik ishken. Keıin oblys ortalyǵyndaǵy 22-shaǵyn aýdan men 6-shaǵyn aýdan arasyndaǵy jylý qubyrynyń jertólesinde uıyqtaıdy. Tún ortasynda oıanyp ketken sottalýshy uıaly telefonyn izdeıdi. Janyndaǵy qaza bolǵan bótelkelesinen uıaly telefonyn suraıdy. Nátıjesinde ekeýiniń arasynda janjal týady. Aıyptalýshy jábirlenýshini uryp jyǵyp, jylý qubyryn oralǵan temir symmen moınyn alty ret orap, býyndyryp óltirgen.
Polıtsııa QK-niń 99-babynyń 1-bóligimen qylmystyq is qozǵap, kúdiktini ustaıdy.
Sot qylmystyq is materıaldarymen tanysyp, aıyptalýshyny kináli dep tapty.
Sot úkimi óz kúshine endi.
