Mańǵystaýdyń Túpqaraǵan aýdany MÁMS júıesimen jumys isteýge daıyn
Jumys tobyna tóraǵalyq etý QR Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń tóraǵasynyń orynbasary Nurlybek Asylbekovke júktelgen.
Top quramynda «Áleýmettik medıtsınalyq saqtandyrý qory» KEAQ IT boıynsha basqarýshy dırektory Nurbol Jumadilda, Marat Ospanov atyndaǵy Batys Qazaqstan ýnıversıteti rektorynyń Strategııalyq damý jáne halyqaralyq seriktestik jónindegi prorektory Baqtııar Serik, Mańǵystaý oblystyq densaýlyq saqtaý basqarmasy basshysynyń orynbasary Lázzat Esenǵalıeva, «Áleýmettik medıtsınalyq saqtandyrý qory» KEAQ Mańǵystaý fılıalynyń dırektory Rýslan Bektýbaev boldy
Olar aýdandyq aýrýhanada jáne emhanada bolyp, mindetti áleýmettik medıtsınalyq saqtandyrý júıesiniń júzege asyrylý barysymen tanysty. Bıyldan bastap aýdan turǵyndary eki túrli medıtsınalyq paket boıynsha kómek alady. Aýdan turǵyndary úshin barlyq jaǵdaı jasalǵan. Ár adam emhanaǵa nemese aýrýhanaǵa baryp, jeke basyn kýálandyratyn qujat arqyly bazadaǵy statýsyn anyqtap, soǵan sáıkes qyzmet ala alady. 30 myńnan astam halqy bar aýdan boıynsha búginde statýsy anyqtalmaǵan 150 adam qalyp tur.
Túpqaraǵan aýdandyq aýrýhanasynyń dırektory Baqyt Shalabaevanyń aıtýynsha, aýdan MÁMS boıynsha jumys jasaýǵa tolyqqandy daıyn. Aıta ketý kerek, búginde ortalyq aýdandyq aýrýhana 30617 halyqqa qyzmet kórsetedi. Aýdan boıynsha emdeý-saýyqtyrý mekemeler sany – 7. Atap aıtqanda, ortalyq aýrýhana, emhana, Taýshyq dárigerlik ambýlatorııasy, Aqshuqyr dárigerlik ambýlatorııasy, Baýtın dárigerlik ambýlatorııasy, Qyzyl-ózen aýyly feldsherlik-akýsherlik pýnkti jáne Saıyn Shapaǵatov dárigerlik ambýlatorııasy. 2019 jyldyń qorytyndysy boıynsha 76066 qatysý jasalyp (poseşenıe), 1145 naýqas statsıonardan em alyp shyqqan. 2473 naýqas kúndizgi statsıonardan em alsa, 34 naýqas úıdegi statsıonardan em alǵan.
Mindetti áleýmettik medıtsınalyq saqtandyrý boıynsha aqparattyq-túsindirme jumysy barysynda Mańǵystaý oblysy boıynsha MÁMS qorymen birlesip, jospar qurylǵan. Túpqaraǵan ortalyq aýdandyq aýrýhanasy qyzmetkerleri qatarynan halyq arasynda aqparattyq-túsindirme jumysyna jaýapty tulǵalar bekitilip, eldi mekenderge bólingen. Bekitilgen kestege saı Fort-Shevchenko qalasy, Taýshyq, Baýtıno, Atash, Qyzyl-Ózen, Saıyn Shapaǵatov, Aqshukyr aýyldarynyń turǵyndary, memlekettik uıym qyzmetkerleri jáne jeke sektor ókilderimen kezdesý ótken.
Kezdesý barysynda densaýlyq saqtaý salasynda mindetti medıtsınalyq saqtandyrý, halyq densaýlyǵyn qorǵaýdaǵy memlekettik saıasat, áleýmettik medıtsınalyq saqtandyrý júıesiniń negizgi maqsaty men mindetteri, bolashaqtaǵy jumystar sóz boldy.
Sonymen birge «Qalamqas» ken ornyndaǵy óndiristik kompanııa qyzmetkerlerimen de kezdesý ótkizilgen.
MÁMS týraly turǵyndardy aqparattandyrý maqsatynda aqparat taratýdyń barlyq quraldary qoldanylýda. Aýdandyq aýrýhana bazasynda MÁMS buryshy ashylǵan, Fort-Shevchenko qalasynda 2 bılbord ornatylǵan, aýdandyq gazet betterinde birneshe maqala jarııalanǵan. Qosymsha «real time» rejıminde, ıaǵnı bank bólimshesinde, halyqqa qyzmet kórsetý ortalyǵynda, jumyspen qamtý ortalyǵy jáne basqa dahalyq kóp shoǵyrlanatyn oryndarda aqparat berilgen.
Sondaı-aq, aýdandyq aýrýhana qyzmetkerleriniń MÁMS boıynsha negizgi suraqtaryn túsindirý qabileti men bilim deńgeıin anyqtaý maqsatynda attestatsııa júrgizilgen.
