Mańǵystaýdyń tabıǵaty týraly maqala National Geographic Qazaqstan jýrnalyna shyqty

AQTAÝ.QazAqparat - Mańǵystaý tabıǵaty jaıynda baıandalǵan «Myń dala, Mańǵaz meken» atty maqala National Geographic Qazaqstan jýrnalynynyń muqabasyna shyqty, dep habarlaıdy QazAqparat tilshisi.

«National Geographic Qazaqstan jýrnaly - Ulttyq geografııalyq qoǵamdastyqtyń Qazaqstandaǵy resmı basylymy. Halyqaralyq tanymaldyqqa ıe jýrnaldyń 1 maýsym kúngi kezekti sanynda Ústirt pen Tuzbaıyr eldi mekenderi týraly maqala betteldi. Sheteldik týrısterge tartymdy ólke týraly jyl sońyna deıin jumbaqqa toly, aıyryqsha 30 jer týraly eksklıýzıvti túrde úsh tilde arnaıy jazba jarııalanady. Jýrnaldyń resmı ókilderi maýsym aıynda túbekke arnaıy saıahattap keledi. Kelesi týrdy jalǵastyrý maqsatynda qyrkúıek aıynda tilshiler qasıetti mekenge taǵy bir márte taban tireıdi», - dedi Mańǵystaý oblystyq týrızm basqarmasynyń basshysy Máýlen Ǵabdýlqalıev.

Maqalada ólkeniń kórikti mekenderiniń biri Tuzbaıyr sorynyń sıqyrly beınesi men tylsym tarıhy kórkem sýrettelgen.

«Ǵalymdardyń aıtýynsha, 250 mıllıon jyl buryn búgingi Mańǵystaý Lavrazııa men Gondvana sýperkontınentteriniń arasyn alyp jatqan Tetıs muhıtynyń tabany bolǵan. Buǵan osy alqapta ara-tura tabylyp jatatyn akýlalardyń qańqasy men tisteri dálel. Keıin sýy tartylǵan muhıt tabanyn jel men jańbyr mújip, borly jartastar, quzdar men oıpattar túzildi. Jumsaq jynystar shaıylyp ústirt, shatqaldar jáne jyralarmen birge Tuzbaıyr sory da paıda bolǵan desedi», - dep jazady National Geographic Qazaqstan jýrnaly.

Sondaı-aq saıahattan keıin National Geographic Qazaqstan jýrnaly abyzdar men áýlıler mekeni bolǵan Mańǵystaýdyń kórikti jerlerin taspalap, aldaǵy ýaqytta kórme uıymdastyrmaq. Bul óńirdegi týrızm salasynyń damýyna áser eteri anyq.