Mańǵystaýdyń shalǵaı aýyldaryna 2 jyljymaly medıtsına kesheni tabystaldy

AQTAÝ. QazAqparat - Mańǵystaýdyń medıtsına basqarmasynyń materıaldyq-tehnıkalyq bazasy 2 jyljymaly medıtsınalyq keshenmen tolyqty.

Óńir basshysy Serikbaı Trumov otandyq avtokólik negizinde qurystyrylǵan jáne kóshpeli jaǵdaıda azamattardyń densaýlyǵyn tekserýdiń keń spektrine arnalǵan tehnıkalardy Túpqaraǵan men Qaraqııa aýdandyq aýrýhanalaryna tabystady.

Jyljymaly medıtsınalyq keshender tsıfrlyq quraldarmen jabdyqtalǵan. Rentgen, Ýltradybystyq zertteý sekildi zamanaýı qural-jabdyqtarmen qamtamasyz etilgen. Bul keshende medıtsınalyq, dıspanserlik tekserýler, konsýltatsııalyq-dıagnostıkalyq medıtsınalyq kómek kórsetý, medıtsınalyq jáne zerthanalyq zertteýler, salaýatty ómir saltyn úgitteý jáne qalyptastyrý qyzmeti júrgizilmek. Arnaıy jasaqtalǵan kólik oblys ortalyǵynan shalǵaı ornalasqan halyqqa medıtsınalyq qyzmetterdi joǵary deńgeıde kórsetýge múmkindik beredi.